TA MED JOBBEN TIL
AKTIVE SOGNDAL

FLYTT TIL SOGNDAL.
JOBB REMOTE.

Utforsk

Velkomen til Remote Sogndal.

Velkomen til Sogndal, friluftsbygda ved den lengste og djupaste fjorden, lokalisert mellom pudderdekte fjellsider, med sykkelstiar, elvepadling og klatrefelt i verdsklasse.

Får du energi av å vera saman med flinke og trivelege folk i kreative arbeidsmiljø? Kanskje tenkjer du klårast når du er på ein fjelltopp? Lat deg inspirera av og med innovasjonsmiljøet på Campus Sogndal; Smeltedigelen av kunnskap, kompetanse og stao-no-pao entusiasme!

Eg er interessert

Eg vil flytta

Livet i Sogndal

Sterke kompetansemiljø.

På Campus Sogndal ventar moderne kontorfellesskap lokalisert mellom 2500 studentar, akademikarar og gründerar. Her er fleire kompetansemiljø innan ei rekkje ulike fagområde; Teknologi, design, økonomi og innovasjon. Her finn du heilt sikkert nokon som kan utfordra deg på dine område – eller idear til samarbeid og nye forretningsmoglegheitar.

Vill natur.

Naturen i Sogndal har noko for alle. Pudderparadis, hundrevis av stiar for stisykling, elvepadling, klatrefelt og fjell for korte og lange turar. Med enkel tilgang til fjorden frå sentrum har du både badestrand og fjordstien lett tilgjengeleg. Berre halvanna times køyretur tek deg til Jotunheimen og landets høgste og mest alpine toppar. På knappe timen kan du utforska Jostedalsbreen med ski, eller stegjarn. Lat vêrmeldinga avgjera om du skal vera på Togga eller kontoret før lunsj.

Ei bygd i utvikling.

Sogndal har restaurantar, kafear og uteplassar til ein kvar smak. Skientusiastar samlast til Fjellsportfestivalen, studenthuset Meieriet hyrer inn dei beste norske artistane og kulturhuset har eit rikt kulturprogram året rundt. Folketalet og studentmassen aukar kvart einaste år, og bygda er full av ung atmosfære og ungdommeleg mot. Studentmassen står for ein fjerdedel av folka i bygdi, det set sitt eige, fantastiske preg på samfunnet, utviklinga og kvardagen i Sogndal.